L’origine

Le maloya sé in muzik é in dans lé né La Rényon, kréé par bann zesclav amné dopi Madagacar, Lafrik de lès (Mozanbik, Tanzani…) ek L’inde pandan lépok l'esklavaz, ant le 17e ek le 19e siek. Zot la mélanz zot mémoir, zot lang, zot relizion ek zot rituel pou kréer in kiltir nouvo, kréol, pou tienbo debout ek pou pas oublié d'où zot i sort.

Dann sat lé plus ancien, le maloya té lié ek bann « sèrvis kabaré » — bann sérémoni pou onoré lo zansèt, dann tradisyon malgas ek afrikin, ke certain moun La Rényon i kontinié fé zordi ankor.

Les zinstrumans

Le maloya i repoz surtout su bann zinstruman perkusion, souvan fé à la min par bann artizan :

• Le roulèr — in gro tanbour, la bass rythmik.
• Le kayanm — un boite fé en fler de kann ek grin konflor
• Le pikèr — 2 bagèt ke le muzisien i tap su un gro bambou.
• Le sati — 2 bagèt ke le muzisien i tap su un morso d'tôle.
• Le bobre — in ark mizikal, in kord en fer atasé su un bou dbwa, ek un kalbass et un batavec inspiré par le « berimbau » brézilien.

A sa i azout la vwa (souvan an "kestion-répons" ant in santèr ek le rèss) é la dans.

Maloya Kultuel é maloya podium

Zordi, néna dé fason viv maloya. Le maloya kultuel kabaré / sèrvice kabaré i rès dann son plas dorigine : in sérémoni spirituel, souvan privé, pou onoré le zansèt. Le maloya podium, li, sé le maloya ke lé zoué su la sène, dann festival, dann album — in art ke la évolué, ke la ouver son port bann zot muzik (rock, reggae, jazz…) san perd son rasine.

Sa sé dé fason lé pa an konkurrence : sat i pratik le maloya kultuel sé a zot de décider kel moman, ek kel fason, zot i partaz a li avek le publik. Sa in respé ke tout’ demoun i doi gardé.

In kiltir la luté pou viv

Pandan lontan, le maloya la étouffé : dann tan l'esklavaz, éankor apré, pandan l'époque kolonial é jusqu’au années 1980 environ. Sé grass a band zansèt é a bann zartist konm Firmin Viry, Gramoun Lélé ou ankor Danyèl Waro ke le maloya la tienbo, la pu transmet, é la arrivé kom Flambo pou La Rényon.

Rekoneson mondial

An 2009, l'UNESCO la inskri maloya su la Lis reprézentativ du patrimoine kulturel imatériel de l'imanité.